| നിയമങ്ങള്‍ |
| സ്കൂള്‍ നിയമങ്ങള്‍ 1. അനുവാദം കൂടാതെ ഓഫീസ് റൂം, ടീച്ചേഴ്സ് റൂം, ലാബറട്ടറി, ലൈബ്രറി എന്നിവിടങ്ങളില്‍ പ്രവേശിച്ചു കൂടാ. 2. രാവിലേയും ഉച്ചകഴിഞ്ഞുമുള്ള ഇടവേളകളില്‍ വിദ്യാര്‍ത്ഥികള്‍ സ്കൂള്‍ പരിസരം വിട്ടു പുറത്തു പോകുവാന്‍ പാടില്ല. 3. വരാന്തകളിലും ക്ലാസ്സ് മുറികളിലും ഓടിചാടി നടക്കുക ഒരു ക്ലാസ്സിലുള്ളവര്‍ അദ്ധ്യാപകരുടെ അനുവാദമില്ലാതെ മറ്റൊരു ക്ലാസ്സിലേയ്ക്ക് കയറുക, അവരവരുടെനിശ്ചിത സ്ഥാനം മാറിയിരിക്കുക തുടങ്ങിയവ പാടുള്ളതല്ല. 4. സ്കൂളിലേയ്ക്ക് വരുമ്പോഴും മടങ്ങുമ്പോഴും വഴിയാത്രക്കാര്‍ക്കോ, ബസ് മുതലായ വാഹനങ്ങള്‍ക്കോ യാതൊരുവിധ മാര്‍ഗ്ഗതടസങ്ങളോ, ഉപദ്രവങ്ങളോ ഉണ്ടാവാതിരിക്കാന്‍ എല്ലാവരും ശ്രദ്ധിക്കുക. 5. സ്കൂളിലായാലും പുറത്തായാലും തങ്ങളുടെ അദ്ധ്യാപകരെ കണ്ടാല്‍ വിദ്യാര്‍ത്ഥികള്‍ ആദരവ് പ്രകടിപ്പിക്കേണ്ടതാണ്. ക്ലാസ്സ് നിയമങ്ങള്‍ 1. അദ്ധ്യാപകന്‍ ക്ലാസ്സില്‍ പ്രവേശിച്ചാലുടന്‍ വിദ്യാര്‍ത്ഥികളെല്ലാവരും ആദരപൂര്‍വ്വം എഴുന്നേറ്റ് അഭിവാദ്യം ചെയ്യണം. അദ്ദേഹം ഇരിക്കുകയോ,ഇരിക്കുന്നതിന് അനുവദിക്കുകയോ ചെയ്തശേഷമേ ഇരിക്കാവു.അദ്ദേഹം ക്ലാസ്സ് കഴിഞ്ഞ് പോകുമ്പോഴും വിദ്യാര്‍ത്ഥികള്‍ എഴുന്നേറ്റ് നന്ദി പറഞ്ഞ് ആദരവു കാണിക്കേണ്ടതാണ് 2. വിദ്യാര്‍ത്ഥികള്‍ എഴുന്നേറ്റ് നിന്ന് തെളിവുളള സ്വരത്തില്‍ ഹാജര്‍ പറയണം അദ്ധ്യാപകനോട് സംശയം ചോദിക്കുമ്പോഴും അദ്ധ്യാപകന്‍ ചോദിച്ച ചോദ്യത്തിന് ഉത്തരം പറയുമ്പോഴും വിദ്യാര്‍ത്ഥികള്‍ ഈ വിധം തന്നെ ചെയ്യേണ്ടതാണ്. 3. അവധി ചോദിക്കാതെ ക്ലാസ്സില്‍ ഹാജരാകാതിരിക്കുന്നതിനും താമസിച്ചു വരുന്നതും വന്നശേഷം അനുവാദം കൂടാതെ ക്ലാസ്സില്‍ നിന്നു പോകുന്നതും ശിഷാര്‍ഹമാണ്. അവധി ആവശ്യമുളളവര്‍ അത് ഒരു പീര്യേഡ് നേരത്തേക്ക് മാത്രമായാലും സ്കൂള്‍ കലണ്ടറിലെ അപേക്ഷാ ഫോറം രക്ഷാകര്‍ ത്താവിനെകൊണ്ട് മുന്‍കൂട്ടി പൂരിപ്പിച്ച് ക്ലാസ്സ് ടീച്ചറെ കാണിച്ച് ഒപ്പ് വയ്പിക്കണം അപ്രതീക്ഷമായ സാഹചര്യങ്ങളില്‍ അവധി ചോദിക്കുവാന്‍ നിവൃത്തിയില്ലാതെ വന്നാല്‍ ക്ലാസ്സില്‍ വരുമ്പോള്‍ മേല്പ്രകാരം ചെയ്യേണ്ടതാണ് 4. രണ്ടാം മണിയടിച്ചതിനുശേഷം വരുന്ന വിദ്യാര്‍ത്ഥികള്‍ അനുവാദം കൂടാതെ ക്ലാസ്സില്‍ പ്രവേശിച്ചു കൂടാ. 5. അദ്ധ്യാപകന്‍ ക്ലാസ്സില്‍ ഇല്ലാത്ത ക്ലാസ്സ് സമയങ്ങളിലും വിദ്യാര്‍ത്ഥികള്‍ നിശബദരായിരുന്നു പഠിക്കേണ്ടതാണ് അദ്ധ്യാപകരുടെ അസാന്നിധ്യത്തില്‍ ക്ലാസ്സിലെ അച്ചടക്കം മാന്യമായ രീതിയില്‍ കാത്തുസൂക്ഷിക്കാനുളള ഉത്തരവാദിത്വം ക്ലാസ്സ് ലീഡര്‍ക്കുണ്ട് 6. ബെല്ല് അടിച്ച് 5 മിനിറ്റ് കഴിഞ്ഞിട്ടും പഠിപ്പിക്കുവാന്‍ അദ്ധ്യാപകര്‍ ക്ലാസ്സില്‍ വരുന്നില്ലെങ്കില്‍ പ്രസ്തുത വിവരം ക്ലാസ്സ് ലിഢര്‍ തന്റെ അസിസ്റ്റന്റിനെ വിട്ട് പ്രിന്സിപ്പലിനെ അറ്യിക്കേണ്ടതാണ് 7. മോറല്‍ ക്ലാസ്സുകള്ക്കും കുട്ടിള്‍ വേണ്ടത്ര പ്രാധാന്യം കൊടുക്കേണ്ടതാണ് 8. ഏതെങ്കിലും കുട്ടി മനഃ പൂര്‍വ്വം അനുസരണയില്ലാതിരിക്കുകയോ കുഴപ്പങ്ങള്‍ ഉണ്ടാക്കുകയോ അയാളുടെ നടപടികള്‍ മറ്റു കുട്ടികള്‍ക്ക് ദോഷമായി ഭവിക്കുമെന്നു കാണുകയോ ചെയ്താല്‍ കുറ്റത്തിന്റെ ഗൌരവം അനുസരിച്ച് അയാളെ ശാസിക്കുകയോ സസ്പന്റു ചെയ്യുകയോ ഡിസ്മിസ് ചെയ്യുകയോ ആവാം. കുട്ടികളെ മതിയായ കാരണങ്ങള്‍ക്ക് പിഴ ഇടുകയോ ക്ലാസ്സു കയറ്റം തടയുകയോ ചെയ്യാന്‍ പ്രിന്‍സിപ്പലിന് അധികാരമുണ്ടായിരിക്കും. 9. വിദ്യാലയത്തിനു പുറത്ത് വിദ്യാലയത്തിന്റെ സ്തപേരിനു കളങ്കം ചാര്‍ത്തുന്ന തരത്തിലുള്ള ഏതെങ്കിലും പ്രവര്‍ത്തനങ്ങളില്‍ ഏര്‍പ്പെട്ടാല്‍ അവര്‍ക്കെതിരെ തക്കതായ ശിക്ഷണ നടപടികള്‍ സ്വീകരിക്കുന്നതയിരിക്കും 10.സ്കൂള്‍ ബോര്‍ഡിങ്ങിലോ സ്കൂള്‍ സ്പോര്‍ട്ടസ് ഹോസ്റ്റലിലോ ഏതെങ്കിലും വിധത്തിലുളള അച്ചടക്ക ലംഘനത്തിനു കാരണമായാല്‍ പ്രസ്തുത കുട്ടിയെ ബോര്‍ഡിങ്ങില്‍/സ്പോര്‍ട്ടസ് ഹോസ്റ്റലില്‍ നിന്നോ തത്ഫലമായി സ്കൂളില്‍ നിന്നും പിരിച്ചു വിടുന്നതാണ് |
